Ezkiok bi gurutzadura ditu, eta honako hau herrigunean dago, Apaiztegi baserriaren aldamenean.

Hareharriz egina dago, oso-osorik, bi harmaila borobilen gainean, eta lau angeluko idulkia du. angelu bakoitzak landutako erronbo horizontala du.

Fustea zilindro-formakoa da, 2,33 metrokoa, eta azalera ildaskatua du.

Kapitela korintoarra da, akanto-hostoek apaindutakoa. Gurutzea lauki-formako mozketa bat da. Aurrealdean, Jesus gurutziltzatua irudikatzen du, eta atzealdean, berriz, Andre Maria, umea besotan duela.

Gurutzadurak 4,50 metro neurtzen ditu.