Gipuzkoako Foru Aldundiak, Gipuzkoako baliabide turistikoen irisgarritasunaren aldeko apostuan, ekimen bat abiarazi du Bask for All empresaren laguntzaz, irisgarritasunaren arloan jardunbide egokiak gauzatu diren baliabide turistikoei balioa emateko. Lehen etapa honetan, 22 baliabide turistiko aukeratu dituzte, horien artean Igartubeiti Baserri Museoa. Informazio hau Gipuzkoa Turismoaren webguneko irisgarritasunari buruzko atal berrian argitaratuko da.
Igartubeiti Baserri Museoa erreferentea da irisgarritasunaren arloan. Urteak eramaten ditu irrisgarritasuna lantzen, kalitatezko zerbitzua eskaintzen eta dibertsitate funtzional desberdinetara egokitzen. Landutako ekintzetako batzuen artean:
- Igartubeiti zure eskura programa, hainbat egokitutako tailer eta esperientzia sentsorial biltzen dituena eta desgaitasun kognitiborako bereziki pentsatuak.
- Irakurketa errazeko gida bat ere badu, non museoaren edukia egokituta dagoen.
- Irisgarritasun fisikoa: gurpil-aulkiak eskaintzen dituzte maileguan, jendeari arreta emateko erakusmahaia gune egokitua da, igogailua dago, etab.
- Beste batzuk: gida-txakurrak museoan sartzeko baimena, zentzumen aniztasun baliabidea ikutu daitezkeen objektuekin, etab.
Igartubeitik irisgarritasunaren arloan eskain dezakeen guztia esteka honetan ikus dezakezue: Igartubeiti-irisgarritasuna
Kode etikoa
Ekainaren 28an, Euskadiko turismo-sektoreko erakunde eta profesionalek egindako lana aitortu zen, Euskadiko Kode Etikoa osatzen duen prestakuntza eta konpromiso-ibilbidea osatu baitute. Gure eskualdean zortzi izan dira Gasteizen [...]
Pintxoz Pintxo
Kalean da Pintxoz Pintxo liburuxka, Josema Azpeitia kazetari eta gastronomian adituaren laguntzarekin egina. Gidak eskualdeko pintxoen gastronomiaren errepaso txiki bat egiten du, eta 56 establezimenduk hartu dute [...]